SANTIAGO D. AGUINU

SANTIAGO D.AGUINU, valmeYérase una vez un pastor de Somieu que tando brañando alcontró xunto a la fuente una xana que peinaba los sos llargos cabellos, rubios, ensimismada. Tinía xunto a ella un desllumante, magníficu cáliz d.oru y el pastor codiciosu, n'un abrir y cerrar de güeyos róbalu y echa a correr monte abaxo. La xana furiosa persíguelu y l.home ve cómo una niebla máxica, negra y espesa comienza a envolvelu. Muertu de mieu suplica y ofrez el botín al patrón del cercanu pueblu, Aguinu. "¡Santiago d.Aguinu, valme que pa ti ye lo que quiero!" grita con to l.alma. N.esi momentu el sortilexu desvanézse, la xana detiense y diz-y: "Porque dixiste eso, sinón el mayor pedazu que quedaría de ti nun sería más grande que la cabeza d.un anfiler". Al pastor nun-y quedó otru remediu que dexar, agradecíu, el cáliz a los pies de Santiago, en cuya ilesia sigue como preba d.estos fechos. fin
LA MOURA DELA SIERRA MALDITA
Cuenten nel Ocidente astur que fai muncho, muncho tiempu vivía una moura nel conceyu de Cangas del Narcea. Al paecer, tres la derrota los mouros polos cristianos yera la única que quedaba na zona, y los guerreros persiguiéronla per montes y viesques hasta que terminaron coyéndola na que güei llamen Sierra Maldita. N'esi momentu ella díxo-yos que si nun la mataben convertiríase al cristianismu y qu'amás-yos diría ónde s'escondía una fabulosa ayalga que valía más que toles riqueces del Reinu xuntes. Pero los guerreros astures nun-y ficieron casu y matáronla, y tres ello dedicáronse a buscar l'ayalga peles cueves, les ruines y les fontes de la rodiada, sin encontrala. Esa ayalga, según el testimoniu de la moura asítiase ente los pueblos de L.lamas y Balcabo, y tovía güei ta esperando a dalgún aventuráu que lu encuentre. fin ----------------------------------------------------------------------------------------------