LA CIUDAD D.ORITO Y LA SANTA CAMPAÑA

SI VAS A LA CIUDA D.ORITOUna vez el Nuberu andaba corriendo una nube de monte en monte, y cayó con ella na mayada de Merguyines, del puertu Sueve y gospióse na cabana d.un pastor. Ésti obsequió-y con llechi, quesu, pan de centenu y ablanes. Y regaló-y un par de coricies. Al día siguiente el Nuberu despidiose del pastor diciendo-y: "Si vas a la ciudá d.Orito pregunta por Xuan Cabritu". El pastor tuvo de dir a la guerra y n.ella cayó presu. L.enemigu vendiolu a un guerreru que lu conduxo a la ciudá d.Orito. Al pasar pela ciudá vio a la puerta d.una casa el par de coricies qu.él había regaláu al Nuberu la nuechi que se gospió na so cabana. Llenu d.alegría llamó a la puerta d.aquella casa y n.ella fue recibíu por Xuan Cabritu, el cual, dempués de redimir al pastor obsequió-y espléndidamente y punxo a la so disposición un machu cabríu pa que cabalgando sobre elli conduxera pel aire, al so pueblu, enantes de que la so muyer se casara. Porque diba casase creyendo que'l su maridu había muertu na guerra. Cuando el pastor llegó al pueblu la su muyer acababa de casase y disponíase a celebrar la comida de boda. Sentose el pastor a la mesa ente los convidaos y naide-y conoció. Unos creyeron que-y habíen convidáu los otros. Dempués de la comida cada convidáu contó un cuentu. Entós dixo el pastor: -Si me lo permiten ustedes, contaré yo el míu. -Que lu cuente- dixeron toos. -Pues señor, otra persona y yo tiníamos un arca y na cual depositábamos los nuestros secretos; l.arca abríase con una llave d.oru, pero un día desapareció esta llave y aquella persona, creyendo que se perdió encargó otra de fierru a un ferreru. Y una vez apaecía la llave, ¿Cuál creéis que debe usase, la d.oru o la que fizo el ferreru? -La d.oru- contestó la muyer. -Pues l.arca ye.l tu corazón el cual abro yo cola llave del mió cariñu, pues soi el to maridu. Y xuniéronse n.un dulce abrazu pa siempre… fin
HISTORIA REAL DE LA SANTA COMPAÑA
Esto nun ye una lleenda: Sabéi, respetuosos mortales, que la vivencia qu’equi se narra ye tan reciente, qu’ainda nun algamó el drechu a los mieles de les lleendes; pues les presones que lo sufrieron entovía viven. Y los sos maxines intautos recuerden con detalle aquelli sucesu. Por respeuto al deseyu de los testigos, nun diré nin nomes nin llugar que lu asitien. Quiciabis asina entamaron el camín los fechos que nacieron pa ser lleenda. Ocurrió nuna aldega de montaña asturiana; escomunal de biesques y praos, pero solo con tres caseries de tres families campesines y vaqueires. Entamaba la nueche cuando, de la biesca, aportaron xiblíos. Los árboles tiníen a aquellos homes acostumaos a estraños soníos nocturnos, que recibíen con respetu y ensin sobresaltos; pero aquellos xiblios fixéronse cántigues y agullíos xuxuriantes claros porque taben arrodiando la casa. Nun había dulda de que vinía dalguién p’hacia los moradores de la casería; na casa aguardábase tranquilamente la visita de dalgún vecín. Tentaron mirar a travies de les rendexes de les ventanes y creyeron ver lluces pequeñes: ¿pitos de xente conocío?, ¡de xuru!; y, poro, esperaben qu’en cualisquier momentu picaren a la puerta. Pero los soníos nun se detuvieron: oyéronse xubir p’hacia’l parreiru. El nun saber quién yera’l que venía provocando llercia y con qué envís, taba facíendolos esmolecer per momentos. Darréu, los mesmos y apavoriantes ruíos taben enriba d’ellos, nun desaxeráu y persistente enfotu. Detuviéronse xusto sobre la habitación de C., ún de los qu’ellí moraba, faciendo soníos mui penosos, que cayíen xunto a daqué de polvu sobre la so cama. Intentaron buscar un razonamientu aselante: tenía de ser S., el mozu candongueru de la casería d’embaxo, con dalgunos collacios; debieron tar de folixa y quixeron axorizar a C. por nun salir estos díes con ellos. Esi mozu de la casa, C., qu’agora yera testigu de’esta estraña "burlla" xunto a la so familia, había unos díes que nun salía tres de la xera por un molestu catarru. La desplicación tranquilizó-yos un poquiñín pero, inda asina, naide d’ellos xubió al parreiru; si ye verdá que taben de folixa, ¿por qué los xiblios, agullíos y cántigues teníen un xeitu tan murnio?, ¿quiciabis la abonda bebida achapló-yos l’allegría?; si yeren ellos ¿por qué nun baxaben a saludalos y cenar dalgo?. Quien fore, dexó de facese sentir de sópito, y el miéu nun abandonó la casa aquella nueche. Pela amañá descubrieron un inquietante misteriu: Nun se podía entrar nel parreiru dende fora porque taba pesllao per dientru col trancu de madera. En atopando a la má de S., descubrieron otru: El so fíu nun pudo facer nada aquella nueche na aldega porque alcontrárase esi día a la herba, colos primos del pueblu vecín. Ensin querer falar de lo que toos en verdá atalantaben, tentaron de buscar desplicaciones anque nun foren mui afayadizes: un animal que colare per dalguna grieta, daquién conocío que tiró piedriquines... . L’horror alcontráronlu dafechu la mañana siguiente: C., el rapaz "acatarráu" de la casa que sufriera aquella estraña visita morría 48 hores dempués d’aquél sucesu, tres d’una nueche d’angonía. La idega que teníen toos nel inconsciente españó al fin: ¡La Santa Compaña!, ¡Apaecióse-yos La Santa Compaña!; ¡Anunciaba a C. dalgo pal nuevu viaxe que diba facer!; dalgo, si, pero ¿bono o malo?; ¿o tal vez aquelles pantasmes foren los causantes d’una muerte qu’inda nun tendría que llegar? ¿Que-y pasaría pel maxín a C. na so nueche d’angonía?. Coló tiempu abondo, pero nun bastante pa cerrar feríes. Conozo a una d’aquellos guah.es testigos; güei ye güela que tien munches hestories pa contar a los sos ñetos, ¡menos una!. La ñeta mayor descubriólo por casualidá, y l’espantu qu’amuesó al face-y les entrugues, tovía nestos díes, nun dexa llugar a duldes de cómo foi aquello