EL PANECILLO Y LA CULEBRINA

EL PANECILLUY ocurrió qu'un paisanu de la Riera echose a pedir limosna pol mundu. Anda que te andarás, allá en tierres mui llexanes, alcontró una señora que-y dixo: -¿Y vusté de qué llugar ye? -Yo soi de la Riera, cerca de Cangues d'Onís... La muyer echose a llorar. -¡Ai, qu'ehí mesmu na cueva de les Dueñes tan dos fíes míes encantaes! Conmoviose l'aldeanu y ofreciose a ayudar a la señora. -¡Si yo pudiera facer dalgo en favor de les sos fíes y de vusté agora que vuelvo al mió pueblu! -¡Oh, sí, pue llevar estos dos bollos, de tres picos caún. Al amanecer del día de San Xuan llegará vusté con ellos a la boca la cueva y gritará tres veces d'esti mou: ¡Inxana, inxana, to madre te llama! Saldrá una moza rubia mui fermosa; entregará-y vusté un bollu y ella-y dará un regalu. Repetirá vusté los versos, saldrá la segunda moza, entregará-y l'otru bollu y ella fará-y otru regalu. Mas recomiendo-y a vusté con tou encarecimientu que nun quite a los bollos dengún picu. Sí, sí, prometio-ylo, pero partió l'aldeanu, anduvo, anduvo y anduvo y nun alcontró una mañana quien-y quisiera dar una llimosna, tuvo fame y comió un picu d'un bollu. Al cabu, llegó al so pueblu precisamente el día de San Xuan. Plantose frente a la cueva y púsose a gritar la formulina: ¡Inxana, inxana, to madre te llama! Y apareciose una inxana, rubia, galana, envuelta en fermosura. Dio-y l'aldeanu un bollu, y ella púsolu nel suelu y convirtiolu en caballu. Repitió l'aldeanu el so conxuru y coyió el segundu bollu, pero en cuantes lo vio echose a llorar. -La señora qu'alcontraste allá, tan lloñe - dixo-y al aldeanu con dolor- yera en verdá la nuestra madre; pero tola to bona voluntá nun nos sirve de na, porque comiste el picu d'esti bollu, y el caballu que de tendrá tres pates y nun podremos fuxir!. Y l'otru caballu desapareció. Y les dos hermanas del encantu perdiéronse otra vez nel fondu la cueva. fin
LA CULEBRINA
LA CULEBRINA
la culebrina Esti pastor yera un neñu qu'atopó una culebrina na peña. La culebrina taba abandonada, y el pastor recoyola, fizo una duerna pa ella, y criola con llechi d'una oveya. Y el pastor, na tristeza y soledá de los puertos, malpenes sí tinía otres amistaes que les de la culebrina y el ganáu. Asina xorrecieron los dos. Y él fue a servir al Rei, mundu alante, y cuando acabó el so serviciu volvió a pastoriar al altu. Fue a la gueta la culebrina, atopola, y alcontrola cambiada en cuélebre... Y ésti llegose a él chando fuéu, y tumbando los árboles, ruxendo, solmenando la tiesta ya-y entrugó con rebexíu: ¿Por qué me dexaste sola? Y tragolu. fin